Vëllai i Gani Gecit, të dyshuarit për vrasjen e Ruzhdi Shaqirit, thotë se duke u bazuar në faktin se Gani Geci ka poseduar vizë schengen, ai mund të jetë në njërin nga shtetet Evropiane, derisa theks të veçantë vë në Gjermani e Zvicër.
“Nuk mund ta dimë sigurt, por në bazë të asaj që Ganiu posedon vizë schengen, dyshojmë se mund të jetë në Gjermani ose në Zvicër”, ka thënë për Express, Fadil Geci.
Ai ka shtuar se Gani Geci do të kthehet posa të qetësohet situata, dhe do t’u dorëzohet autoriteteve pa marrë parasysh nëse është EULEX’i apo Policia e Kosovës.