Nuk vritet liria
ju vraftë reja për së kthjellti
i kam sytë e kaltër o
të kaltër si qielli
nuk vritet dielli
u praptoftë qielli mbi ju
ç’ndillni me ata sy vrastarë
kur rrëxoni llastarë
niegull e tym ma vishni ditën e Zotit
ma trazoni amën e lotit
e shterr në mes të logut
lart digjet palca e shtogut
e s’kam fyell më s’kam
as për këngën e vrarë
as për ditën e diel nuk kam
as për Pashkë as për Bajram
Skender Berisha