Gjatë mandatit të ri të Komisionit për Verifikimin e Fakteve, i cili do të përfundojë në vitin 2009, pritet të shpallen për kodoshë 300 deri 400 persona.
Kryetari i Komisionit Tome Axhiev ka deklaruar për gazetën “Dnevnik” se, sipas parashikimeve të tij, ky numër i bashkëpunëtorëve të shërbimeve sekrete, të cilët kanë spiunuar në baza politike dhe ideologjike, do të dalë nga lustrimi i dosjeve të periudhës nga 1945 e mbrapa.
“Disa persona, të cilët i kemi konsideruar si të rëndësishëm do të kenë një qasje ndryshe, ndoshta edhe negative për kontekstin historik, kurse persona të tjerë do të fitojnë vendin e merituar në luftën për Maqedoninë e Pavarur”, tha Axhiev.
Ai foli edhe në lidhje me dosjet që pritet të merren në dorëzim nga arkivat e Beogradit.
Sipas një vlerësimi të tij, janë rreth 500 deri 700 persona bashkëpunëtorë të dikurshëm të shërbimeve serbe në Maqedoni.