Deputeti i ri i Kuvendit të Kosovës, Zafir Berisha ka deklaruar pasuri hiq më pak se 690 mijë euro. Ai në formularin e deklarimit të pasurisë e ka deklaruar shtëpinë në vlerë 80 mijë euro, dhe hotelin “Kështjella” në vlerë 600 mijë euro.
Ndërkaq, si pasuri të luajtshme e ka deklaruar një veturë në vlerë 10 mijë euro.
Ai ka deklaruar se ka dy kredi, njërën në vlerë 80 mijë euro e tjetrën në vlerë 60 mijë euro. Poashtu ka deklaruar se i ka marrë edhe dikujt hua në vlerë 100 mijë euro.
Berisha ka deklaruar si të hyra 17 mijë e 856 euro pagë vjetore nga Kuvendi i Kosovës, si dhe 6 mijë euro pagë vjetore nga ana e Hotelit Kështjella./blic/