Një sherr banal me thikë ditën e sotme në qytetin e Elbasanit ka çuar në plagosjen e një 19-vjeçari.
Ngjarja ndodhi rreth orës 13:00 në lagjen ‘28 Nëntori’, ku 19-vjeçari, Elton Peqini, u godit me thikë duke marrë tre goditje. Ai është dërguar menjëherë në spitalin e qytetit, nga ku mësohet se nga goditja i është dëmtuar mushkëria.
Aktualisht ky shtetas ndodhet në reaminacionin e spitalit. Policia ka bërë të mundur kapjen dhe arrestimin e autorit, i cili është Ymer Stari, 20 vjeç.
Ende nuk dihen shkaqet e plota të ngjarjes, por nga hetimet paraprake mësohet se konflikti mes të rinjve ka ndodhur për motive të dobëta.