Shkrimtari i mirënjohur austriak, Josef Winkler, do të zbresë në Prishtinë për të mbajtur një lexim dhe bashkëbisedim me publikun, në Qendrën Multimedia, me organizim të Ambasadës Austriake dhe Bibliotekës austriake. Leximi publik mbahet më 15 shtator, me fillim nga ora 19:30, në Qendrën Multimedia.
Winkler do të lexojë disa pjesë të shkurtra nga romanet e tij, të përkthyera në shqip nga gjuha gjermane. Ai gjithashtu do të mbajë një bashkëbisedim me publikun.
Autori austriak është vlerësuar me shumë çmime, ndër to me çmimin André-Gide, çmimin e madh shtetëror të Austrisë për letërsi dhe në vitin 2008 me çmimin Georg-Büchners. Disa prej publikimeve të tij janë “Der Leibeigene“, “Natura Morta“, “Roppongi. Requiem für einen Vater”, etj.