Një zhvillim i papritur po ndodh në Kremlin, i cili befasisht duket i gatshëm të negociojë tërheqjen nga Ukraina, si dhe ndërprerjen e përkrahjes ruse për Sirinë, shkruan sot Koha Ditore, në faqen e saj kushtuar Dosjeve “Pronto”.
Pas sanksioneve të imponuara nga SHBA-ja, si dhe atyre nga Brukseli, Moska tashmë ishte e shqetësuar, por sanksionet e fundit, këto që dje u vendosën nga Qeveria e Kosovës, duket se e kanë tmerruar më së shumti Putinin.
Nga bisedat mes zyrtarëve më të lartë rusë, të kapura nga agjentët në Stacionin tonë në Moskë, shihet qartë çfarë efekti kanë sanksionet e Prishtinës te Moska (ani pse arsyet pse një frikë kaq e madhe ruse nga Kosova për ne mbeten mister). Nga bisedat po ashtu vërehen shenjat e para të ndryshimit të pozicionit rus, i cili tani po lëviz në drejtim të pranimit të plotë të kushteve tona për largim të ushtrisë ruse nga Ukraina dhe ndërrim qasjeje në krizën e Sirisë.
Konsideroj që më mirë se çdo analizë imja, realitetin e momentit e tregon transkriptimi i bisedës mes presidentit rus, Vladimir Putin, dhe shefit të Shërbimit Federal të Sigurisë (FSB), gjeneralit Aleksandr Bortnikov.