“Kemi përfunduar kuvende zgjedhore të suksesshme, kuvende ku po zgjedhën strukturat e LDK-së, në mënyrë transparente, dhe në respektim të plotë të normave statutore, të përcaktuara nga Kryesia e LDK-së”. Kështu vlerëson Dega e Lidhjes Demokratike të Kosovës në Prizren, e cila po mbanë kuvendet zgjedhore nëpër nëndegët e saja.
“Vlenë të theksohet se në kuvendet e nëndegëve të përfunduara, kemi prurje dhe ndryshime substanciale në përbërjen e strukturave të nëndegëve të LDK-së”, thuhet ndër të tjera në kumtesën e kësaj partie.
“Të gjitha kuvendet zgjedhore të LDK-së, në Prizren monitorohen nga përfaqësuese te Kryesisë se LDK-se; Nën/Kryetari Haki RUGOVA, Nën/Kryetarja Teuta SAHATQIU, anëtarët e Kryesisë Sali MORINA, Gazmend MUHAGJERI, dhe anëtari i Këshillit të Përgjithshëm Muharrem SFARQA”.
Kryesia e LDK-së, Dega në Prizren u bënë thirrje të gjithë anëtarëve të LDK-së, që të bëhen pjesë e organizimit nëpër kuvendet zgjedhore, nëpër nëndegët e saj.
LDK njofton edhe orarin e mbajtjes së kuvendeve në vazhdim:
1. Nëndega “Xhevat Berisha”, më 26.09.2014, në ora 19.oo, mbahet te Shkolla “Fadil Hisari”
2. Nëndega në Krushe te Vogel, më 27.09.2014, në ora 16.oo
3. Nëndega ne Landovice, më 27.09.2014, në ora 18.oo.
4. Nëndega ne Lutogllave, më 27.09.2014, në ora 20.oo.
5. Nëndega ne Planeje dhe Goruzhup, më 28.09.2014, në ora 16.oo.
6. Nëndega ne Mazrek, më 28.09.2014, në ora 18.oo.
7. Nëndega ne Arbanë, më 28.09.2014, në ora 20.oo, mbahet te Shkolla “Ibrahim FEHMIU”.
/PrizrenPress.com/