Flora Brovina kishte thënë se javën e ardhshme mbahet seanca konstituive e Kuvendit të Kosovës. Madje, kishte përmendur datën 2 tetor dhe tash edhe zyrtarisht Kuvendi ka njoftuar se të enjten e ardhshme vazhdon seanca konstituive e Kuvendit.
Mirëpo, Kryesuesja Brovina ende nuk ua ka dërguar ftesat deputetëve për t’ju treguar ditën dhe orën e mbledhjes konstituive.
Në faqen zyrtare të Kuvendit shkruan se: “Seanca konstituive, E Enjte, 02.10.2014 10:00, Rendi i ditës: Zgjedhja e Kryetarit të Kuvendit dhe e nënkryetarëve të Kuvendit”.
Ndryshe, deputetët shkojnë në këtë seancë për të parë edhe një herë dështimin e PDK-së sa i përket zgjedhjes së Kryeparlamentarit.
Ndërsa, Blloku LDK-VV-AAK-NISMA shkojnë me kërkesën për debat në Kuvend lidhur me zhbllokimin e Kuvendit të Kosovës. Flora Brovina ka thënë se nuk do të lejojë debat por vetëm votimin e Kryetarit të Kuvendit.