Mosrealizimin brenda afatit të paraparë të projektit të sheshit e trotuarit, që lidhet me Kompleksin e Lidhjes Shqiptare, përfaqësues të shoqërisë civile në Prizren e ndërlidhin me vështirësitë për shkak të pozitës “pezull” të kryetarit Ramadan Muja, të dënuar me kusht, derisa zyrtarët komunalë kanë mohuar kritikat e tilla, duke e arsyetuar vonesën e projektit me kushtet atmosferike, që karakterizuan verën e këtij viti, shkruan Zëri.
Prizreni është në pritje të përgjigjes që Gjykata e Apelit ka për t’i dhënë ankesës së bërë nga Muja, pas dënimit të tij për shpërdorim të pozitës, me 2 vjet burgim me kusht dhe ndalim të ushtrimit të veprimtarisë publike për 30 muaj, të shqiptuar nga gjyqtar të EULEX-it në Gjykatën Themelore (GJTH) në Prizren.