Kryetari i Partisë Demokratike Turke të Kosovës (KDTP), Mahir Jagxhillar, ka thënë se nuk beson se Grupi Parlamentar 6+ do të marrë pjesë në vazhdimin e seancës konstituive, e cila është thirrur nga partitë e bllokut.
Ai i ka thënë “Epokës së re” se vazhdimi i seancës konstituive, sipas aktgjykimit të Gjykatës Kushtetuese, do të duhej të thirrej nga kryesuesja Flora Brovina.
“Ne e mbrojmë qëndrimin se seanca duhej të thirret, sipas aktgjykimit të Gjykatës Kushtetuese, nga ana e kryesueses. Bazuar në këtë nuk besoj se do të jemi pjesëmarrës”, ka deklaruar Jagxhillar.