Grupi parlamentar 6+ ka mbajtur sot një takim konsultativ, për ta diskutuar gjendjen aktuale institucionale në Kosovë.
Pas takimit, Mahir Yagcilar ka deklaruar se kanë ardhur në përfundim se zgjedhjet nuk janë opsion. Ai ka theksuar se do ta përkrahin cdo iniciativë që përbën zgjidhje për t’ju ikur zgjedhjeve.
“Zgjedhjet nuk janë opsion. Ne jemi deklaruar edhe në fillim, do ta përkrahim cilëndo palë që ofron zgjidhje për të dalë nga kriza”, ka thënë Yagcilar, pas takimit, shkruan Express.
I pyetur nëse do të merrnin pjesë në një seancë që eventualisht do ta thërriste Blloku, Yagcilar ka thënë se do të veprojnë në bazë të vendimit të Gjykatës Kushtetuese.