Qytetari Enver Hoxhaj është bërë viktimë e një vjedhjeje nga disa hajna në qytetin e Prizrenit.
Në një mesazh që e ka dërguar në adresën e Gazetës Express, Hoxhaj thotë se kombi i tij i markës “Mercedes” është vjedhur me datën 17 të këtij muaji. Edhe pse vjedhja është incizuar nga kamerat e sigurisë, policia nuk ka ndërmarrë asgjë. Së paku kështu thotë pala e dëmtuar.
“Mirëdita jam nga Prizreni kam një problem ma kanë vjedhur kombi -busin “Mercedes Sprinter” më 17-10-214 para shtëpisë tonë dhe është incizuar- nëpër kamera tona shihet mirë hajnat. A keni mundësi me publiku këtë videon tonë ju në gazetën e juaj, policia thotë ne s’kemi cka të bëjmë, nuk po i njohim hajnat nuk mundemi me i nxonë ata. Unë kam frikë dhe pa dyshim jam i bindur këtu në këtë rast policia po bashkëpunon me hajnat nuk dojnë me e nxanë.
Ata derisa kanë qenë te na kanë marrë incizimet, ata na kanë thënë ne kemi laborator, mundemi me e zmadhu videon, po edhe me pastru videon për me pa ma kjart, po kur shkuan ne stacion të policisë një ditë më pas, ata më thonë ne nuk kemi laborator, nuk po i njohim hajnat, s’kemi cka të bëjmë e kisha pas dëshirë që kjo të publikohet në gazetë po edhe në televizionet tona me ndihmën tuaj. Ju përshëndes Enver Hoxhaj”, ka shkruar ai.