Në kryeqytetin e Shqipërisë hapet sot ekspozita “Bunker Albania” që sjell pamje të bunkerëve të mbetur në Shqipëri nga periudha e diktaturës
Robert Hakman do të paraqitet në Tiranë me ekspozitën e tij fotografike që trajton fenomenin e bunkerëve të vendosur në kohën e diktaturës komuniste gjatë regjimit të Enver Hoxhës.
Ai ka vendosur që këtë ekspozitë ta titullojë “Bunker Albania” ku sjell një pamje të bunkerëve të mbetur në Shqipëri, ambientet e jashtme dhe të brendshme të tyre, transformimet në vende kulinarie, apo vende banimi, shkatërrimet në vite dhe marrëdhënia e njërëzve me bunkerët.
Ekspozita hapet prej sot në Muzeun Historik Kombëtar ndërsa është mbështetur nga Ministria e Kulturës.
Ministria e Kulturës ka bërë të ditur se askush nuk e di saktësisht se sa bunkerë u ndërtuan nga regjimi komunist në Shqipëri. Sipas njoftimit është e pamundur të numërohen edhe sot, sepse shumë prej bunkerëve janë shkatërruar, të tjerë janë ricikluar apo ripërdorur. Numrat që përmenden shpesh janë 500,000 e madje deri në 700,000. /KultPlus.com