Rektori i Universitetit “Ukshin Hoti” në Prizren, Prof. Dr. Ramë Vataj, të martën, në ditën e dytë të punës në këtë pozitë ka takuar përfaqësuesit e studentëve në Parlamentin Studentor duke bartur mesazhin e qartë se studentët janë arsyeja pse UPZ ekziston.
“Unë jam i juaji në shërbimin tuajin, në çdo kohë”, i siguroi rektori Vataj përfaqësuesit e studentëve.Ai i përgëzoi ata për kërkesat parimore dhe përparimtare për të kërkuar një rektor adekuat për Universitetin.
Rektori Vataj theksoi se do të angazhohet për kushte më të mira për studentët dhe se dera tij dhe e bashkëpunëtorëve të tij do të jetë e hapur për çdo kërkesë që do të adresohet për të mirën e studentëve.
Ndërkaq, Kryetari i Parlamentit Studentor të UPZ-së, Nehat Gashi, e uroi Vatajn për pozitën e rektorit, duke e cilësuar atë si zgjedhjen më të mirë të mundshme për Universitetin ngase siç theksoi ai, Prof. Dr. Ramë Vataj, ka bagazhin akademik dhe përvojën për të zhvilluar Universitetin në çdo aspekt. Gashi e siguroi rektorin Vataj se do të ketë mbështetjen e pa rezervë të Parlamentit Studentor në punën si rektor.