I nominuari i Bllokut për kryeministër, Ramush Haradinaj, përjashton mundësinë e një takimi të përbashkët të të gjithë liderëve politik derisa nuk përjashton mundësinë që t’i jepet përkrahje idesë së Vetëvendosjes për protesta.
Ai ka thënë se protestat janë e drejtë legjitime dhe nëse shterren të gjithë mekanizmat tjerë, atëherë qytetarët e gëzojnë edhe këtë të drejtë.
“Ne do të shqyrtojmë nëse janë konsumuar të gjitha instrumentet paraprake”, ka thënë Haradinaj duke komentuar idenë e Vetëvendosjes për protesta.
Ai ka përjashtuar mundësinë që vendi të shkojë në zgjedhje të jashtëzakonshme ashtu siç po kërkon PDK, duke thënë se zgjidhja është në duart e shumicës parlamentare.