Kompromisi për qeverinë, i pashmangshëm, analistët e kritikojnë mungesën e strategjisë.
Njohësit e zhvillimeve politike në vend konsiderojnë se vetë qasja e gabuar e koalicionit paszgjedhor opozitar, LAN, është një avantazh i fuqishëm për partinë fituese të zgjedhjeve, që e bën të pashmangshëm përfshirjen në krijimin e qeverisë së re, madje edhe duke e favorizuar atë në pozitën e ofertuesit për subjektet e tjera politike që do jenë pjesë e kontributit për ndërtimin e institucioneve të reja.
Ligjëruesi i Shkencave Politike në UP, prof. Agim Zogaj, ish-kandidat për deputet i Partisë Demokratike të Kosovës, tha se mosthemelimi i deritanishëm institucioneve të Kosovës nuk është rezultat i politikës bllokuese të PDK, por i atyre subjekteve që, duke qenë humbëse, u mblodhën dhe krijuan një klub politik pa program , me të vetmin mision t’ia pamundësojnë që PDK-ja si parti fituese ta drejtojë Qeverinë e koalicionit dhe që Thaçi të mos rizgjidhet kryeministër i vendit.
Mirëpo, pas bindjes së LAN-it ndaj vendimit të Gjykatës Kushtetuese Zogaj konsideron së gjërat do të bien në vendin e vet dhe të gjithë do të bëhen pjesë e respektimit të ligjeve dhe Kushtetutës së vendit për të krijuar institucionet../Kosova Sot/