Anton Quni ka thënë se nuk merr pjesë në seancën e sotme të Kuvendit ku pritet zgjedhja e Qeverisë ndërkaq Adem Salihaj ka thënë për Botapress qartë: ”Nuk e votoj qeverinë!’
Grupi parlamentar i LDK-së do t’i ketë së paku dy vota mangu në seancën e sotme parlamentare në të cilën pritet të zgjidhet qeveria e Kosovës me kryeministër Isa Mustafën.
Ata janë Anton Quni i cili nuk do të marrë pjesë në seancën e sotme parlamentare dhe Adem Salihaj i cili ka deklaruar haptas se do të votojë kundër koalicionit me PDK-në. Ndërkaq deputetët e tjerë “të rrebeluar” të LDK-së të cilët kanë votuar kundër zgjedhjes së Kadri Veselit për kryetar të Kuvendit, nuk kanë pranuar të flasin për Botapress.