Deputetë të Kuvendit të Kosovës kanë filluar të arrijnë në Kuvend për seancën e jashtëzakonshme ku pritet të votohet krijimi i Qeverisë.
Të pranishëm në Kuvend shihen të jenë edhe ambasadorja e Shteteve të Bashkuara të Amerikës, Tracey Ann Jacobson, zëvendëspresidentja e PE-së, Ulrike Lunacek, etj.
Zgjedhjen e Isa Mustafës në postin e kryeministrit dhe votimin e kabinetit të ri qeveritar e pamundësuan të hënën deputetët e Listës Serbe, të cilët bojkotuan seancën e jashtëzakonshme të Kuvendit të Kosovës.
Nëntë deputetët e kësaj Liste, nën rekomandimet e Beogradit zyrtar, kërkuan hise më të madhe në kabinetin e ardhshëm qeverisës. /Telegrafi/