Kryetari i Këshillit të Nismës për Kosovën dhe ish-kryeparlamentari, Jakup Krasniqi, ka sjell edhe njëherë në kujtesë tri shtylla, që duhet tu përmbahemi me seriozitet nëse dëshirojmë të kemi qeverisje të mirë.
Krasniqi, megjithatë e ka parë të nevojshme që edhe njëherë të i sjellë këto për publikun, përmes një postimi në llogarinë e tij në Facebook.
“1.Demokraci reale që buron nga vullneti qytetarë i pa tjetërsuar; 2. qeverisje të lirë, efikase, profesionale dhe të pa korruptuar; 3. zhvillim ekonomik afatgjatë, privatizim transparent me drejtësi shoqërore dhe me shfrytëzim të kapaciteteve njerëzore (profesionale e intelektuale, pa nepotizëm rrënues), ja rruga moderne (koherente) drejt së cilës duhet të ecim pa hezituar dhe me vendosmëri ne, në Kosovë”, shkruan Jakup Krasniqi në profilin e tij në Facebook.
Sipas tij, çdo hezitim, cenim, neglizhim apo mosrespektim i njërit prej këtyre faktorëve relevant të përmendur, Krasniqi thotë se padyshim që do të na përkthehet në mos avancim të demokracisë, në mos zhvillim ekonomik, në prapambetje shoqërore e kulturore dhe këto do të na kushtojnë të gjithëve, sot e nesër.
Këto tri gjëra, sipas Krasniqi janë ato që na pamundësojnë të ecim në rrugën e integrimeve euroatlantike.
“Prandaj, ne, në Kosovë na duhet domosdo qeverisja e mirë dhe e lirë ( e lirë në përputhje me standardin e qytetarëve të vendit tonë dhe me mundësitë buxhetore të vendit). Qeveria jonë me 20 ministri, me 5-6 zëvendëskryeministra e mbi 40 zëvendësministra etj., sa mund të jetë e lirë (në aspektin e shpenzimeve të parasë publike), dhe efikase kur aty nuk e ‘njeh qeni të zonë’?! Nuk ka dhe nuk mund të ketë qeverisje të mirë pa dije, pa drejtësi, pa dashuri e pa përkushtim për vendin e kombin”, ka shkruar Krasniqi.