Dega e LDK’së në Prizren po përballet me tensionim të garës për të parin e saj. Gara për të udhëhequr me këtë degë të LDK’së po zhvillohet ndërmjet Anton Qunit dhe Haxhi Avdylit.
Express merr vesh se Anton Quni ka marrë përkrahjen e LDK’së në qendër për këtë garë, ndërsa Haxhi Avdyli po përkrahet nga kryesia e vjetër e LDK’së në Prizren, të cilët dhe janë kundër që Quni të marrë udhëheqjen e degës.
Kështu pritet që gara të jetë e fortë dhe me tensione, pasi që vazhdimisht po dalin edhe shumë pakënaqësi nga ky proces zgjedhorë brenda kësaj dege.Ndryshe, LDK dega në Prizren po zhvillon procesin e zgjedhjeve të brendshme të degës pas dorëheqjes së Eqrem Kryeziut, i cili ka udhëhequr për vite të tëra me këtë degë./Gazeta Express/