Ratkoci është vendlindja e Avdullah Hotit, kandidatit të LDK’së për kryeministër.
Ratkoci në zgjedhjet e fundit kishte 1 mijë e 400 e 60 votues, ndërsa vetëm 300 prej tyre votuan për Hotin, që ishte kandidat për deputet nga LDK-ja.
Fshati Ratkoc gjendet në komunën e Rahovecit, ndërsa banorët e kësaj ane kanë kritika për zhvillimet politike që ndodhën së fundmi në Kosovë.
Madje ka nga ta që thonë se vendi do të duhej të shkonte në zgjedhje të jashtëzakonshme.
E një gjë e tillë do të duhej të ndodhte sapo të kaloj pandemia COVID-19.
Por, ka edhe të tjerë të cilët e duan Avdullah Hotin, për kryeministër të vendit.
Sipas tyre, z.Hoti është një ekonomist i mirë.
Avdullah Hoti ishte kandidat i LDK-së për kryeministër në zgjedhjet e vitit 2017 por nga këto zgjedhje nuk doli si fitues, duke e humbur kështu mundësinë për të qeverisur me vendin përmes votës së popullit.