Departamenti i Sundimit të Ligjit në kuadër të Aleancës për Ardhmërinë e Kosovës (DSL i AAK-së), vlerëson se numri i madh i armëve ilegale në duart e qytetarëve të Kosovës është kërcënues për sigurinë.
“Rastet e përdorimit të armëve të zjarrit nëpër pjesë të ndryshme të Kosovës gjatë tri ditëve të fundit, të cilat kanë rezultuar me viktima dhe të lënduar, dëshmojnë për një situatë kërcënuese për sigurinë e qytetarëve të Kosovës.DSL i AAK-së i bën thirrje Ministrisë së Punëve të Brendshme (MPB) dhe Policisë së Kosovës (PK) që të ndërtojnë politika dhe të ndërmarrin veprime konkrete përmes të cilave largojnë armët ilegale të zjarrit nga duart e qytetarëve” thuhet në një reagim të AAK’së
“Sa më pak armë nëpër duart e njerëzve, aq më shumë siguri. Prandaj, është e domosdoshme qasje profesionale dhe ligjore, e cila do të siguronte jetën, pronën dhe të drejtat e qytetarëve të Kosovës” thekson.