Ambasadorja amerikane në Kosovë, Tracey Ann Jacobson ka deklaruar se prioritet për vendin duhet të jetë shqyrtimi i mandatit të EULEX’it dhe çështja e krijimit të Gjykatës Speciale për krimet e luftës.
Në një intervistë për RTV21, Jaconson tha se mendon që ky do të ishte hapi më i mirë. Ambasadorja amerikane ka mohuar se Gjykata është kundër UÇK’së.
“Si ambasadore e SHBA’së që vij nga një prej vendeve mike të Kosovës, mendoj se ky është hapi më i mirë. Ideja se kjo është Gjykatë kundër UÇK’së nuk është e vërtetë, thjesht nuk është e vërtetë. Është një punë e madhe për të arritur të zgjedhjet e përgjithshme. E kam parë që KQZ të bëj mrekulli gjatë kohës kur janë mbajtur lokale. Nuk më takon mua të them se kur duhet të mbahen zgjedhjet.
Për mua prioriteti më i madh është vendimi për mandati i EULEX’it dhe themeliimi i Gjykatës Speciale, pastaj kur të merren liderët vesh për mbajtjen e zgjedhjeve ne do ti mbështesim ata”, ka thënë veç tjerash Jaconson.