Në fshatin Prevallë të Prizrenit, është shtyrë për katër ditë faza e dytë e rrënimit të villave.Pronarët kanë protestuar me arsyetimin se ato mund të legalizohen. Ata kanë kërkuar nga inspektorët që edhe njëherë të rishikojnë dokumentacionin që disponojnë.
Drejtori i Urbanizmit në Prizren, Sadik Paçarizi, ka lëshuar një dokument për (mos)prishjen e disa vilave.
Njëri nga pronarët e vilave pretendon se dokumenti dëshmon se vila e tij është e ndërtuar brenda pjesës së urbanizuar .
Ky dokument ka befasuar kryeinspektorin Bedri Halimi. Ai tha se për lëshimin e këtij dokumenti, duhet të mmerren masa ndaj Paçarizit.
Drejtori i Urbanizmit,Sadik Paçarizi, ndërkaq tha se dokumenti ka qenë vetëm një informatë, që pronari ka kërkuar.
” Dokumenti përmbanë vetëm një informatë dhe asgjë tjetër”.
Gjatë aksionit të sotëm në Prevallë, pati edhe një të ndaluar nga njësiti special i PK-së.
Drejtori Rajonal i Policisë,Nexhmi Krasniqi, apelon tek pronarët e vilave, të mos pengojnë punën e institucioneve, pasi në këto raste do të ketë zero tolerancë.
Duke parë se pronarët e 25 vilave, kanë filluar të prishin vetë objektet e tyre, inspektoriati i Ministrisë së Mjedisit Hapësinor, iu ka lënë afat atyre edhe 3 – 4 ditë.
Kryeprokurori në Prokurorinë Themelore në Prizren, Sylë Hoxhaj, tregoi se për fshatin turistik Prevalla nga MMPH, janë dërguar 20 kallëzime penale.Prej tyre, janë ngritur katër aktakuza./PrizrenPress.com/