25.8 C
Prizren
E hënë, 24 Qershor, 2024

Thaçi garanton implementimin e ‘Misionit të Ri’

Thaci-qeveriaKryeministri i Republikës së Kosovës Hashim Thaçi ka uruar qytetarët e Kosovës me rastin Ditës së Paqes, 12 qershorit.

Në urimin e kryeministrit Thaçi thuhet se pesëmbëdhjetë vjet nga Dita e Lirisë, Dita e Paqes, janë të vendosur të vazhdojnë me implementimin e reformave të gjithëmbarshme në ekonomi, duke garantuar implementimin e Misionit të Ri – zhvillimit të qëndrueshëm ekonomik të shtetit të Kosovës.

Në urimin e tij e Thaçit thuhet se Dita e Paqes, 12 Qershori, është datë historike për vendin tonë dhe shënonpërfundimin e luftës për çlirimin e Kosovës dhe hapjen e kapitullit të paqes.

“Në këtë përvjetor të rëndësishëm, me pietet dhe krenari të veçantë kujtojmë sakrificën e të gjithë dëshmorëve të lirisë, luftëtarëve të Ushtrisë Çlirimtare të Kosovës, rezistencën e të gjithë brezave të qytetarëve tanë, që kontribuan për lirinë dhe pavarësinë e Kosovës. Me rastin e Ditës së Paqes, në emër të institucioneve të Kosovës dhe qytetarëve të Republikës shpreh falënderimin e thellë për fushatën e bombardimeve të NATO-s, si intervenimin më të suksesshëm ushtarak dhe humanitar në fund të shekullit njëzet. Republika e Kosovës ka hyrë në vitin e shtatë të Pavarësisë, duke konsoliduar institucionet e veta demokratike, e vendosur dhe e përkushtuar për të përmbushur të gjitha kriteret dhe standardet për integrim në Bashkimin Evropian dhe në NATO. Pesëmbëdhjetë vjet nga Dita e Lirisë, Dita e Paqes, jemi të vendosur që pas përmbushjes me sukses të misionit të çlirimit dhe të pavarësisë, tani të vazhdojmë me implementimin e reformave të gjithëmbarshme në ekonomi, duke garantuar implementimin e Misionit të Ri – zhvillimit të qëndrueshëm ekonomik të shtetit të Kosovës”, thuhet në urimin e kryeministrit Thaçi.

Më Shumë

Prizren, policia në veprim kundër parkimeve joligjore dhe zhurmave

Policia e Kosovës nga rajoni i Prizrenit ka hartuar një plan operativ kundër parkingjeve ilegale dhe zhurmës në lagjen “Ortakoll”, duke shqiptuar më shumë...

Ish-futbollisti i famshëm i jep fund beqarisë në moshën 50-vjeçare

Futbollisti legjendar italian Filippo Inzaghi, u martua këtë javë në Formentera, ishulli më i vogël spanjoll në grupin e Ishujve Balearik. Në Formentera, Inzaghi u...

Lajmet e Fundit