Një person ka humbur sot jetën aksidentalisht në Prizren. Aksidenti ka ndodhur rreth orës 10:10 minuta, në rrugën “Vatrat shqiptare”, me ç’rast një këmbësor ka pësuar lëndime trupore nga një automjet i cili në momentin kritik po lëvizte mbrapa.
Sipas hetuesve të trafikut të cilët kanë kryer hetime në vendin e ngjarjes ku ishte edhe prokurori i shtetit, thuhet se shoferi i automjetit “Iveko” nga pakujdesia e kishte goditur këmbësorin, i cili menjëherë është dërguar nga qytetarët në Emergjencën e Spitalit Rajonal të Prizrenit, ku nga mjekët është konfirmuar vdekja e tij,transmeton TVP.
Trupi i pa jetë i viktimës mashkull i vitlindjes 1941 është dërguar në Institutin e Mjekësisë ligjore për autopsi ndërsa shoferi është ndaluar në polici.