Ambasada e Turqisë në Kosovë ka dhuruar sot 200 pako me mjete didaktike për fëmijët me aftësi të kufizuara në Prizren.
Drejtoresha e Arsimit, Luljeta Veselaj-Gutaj, ka ritheksuar se Komuna e Prizrenit është e përkushtuar dhe punon për të drejtat dhe mirëqenien e të gjithë fëmijëve, pa dallim.
Në këtë kontekst, ajo ka thënë se roli i mësuesve të arsimit special është sa jetik, aq edhe fisnik. “Çdo vit do të rritet numri i asistentëve mbështetës në shkollat e Komunës së Prizrenit që është tregues domethënës që dëshmon seriozitetin për trajtimin e fëmijëve me aftësi të kufizuara dhe integrimin e tyre në shoqëri”, ka thënë drejtoresha Veselaj-Gutaj./ PrizrenPress.com