“The Sun” raporton se skuadra angleze e Everton-it është duke monitoruar situatën e Philippe Coutinho-s së Barcelona-s. Braziliani është duke u rikuperuar nga një dëmtim në gjurin e majtë dhe sezoni është mbyllur për të.
Coutinho ka qenë më parë në atë qytet, por te rivalët e Everton-it, Liverpool-i. Tashmë, Carlo Ancelotti kërkon ta ketë në ekip Coutinho-n. Pas James Rodriguez-it dhe Allan-it, braziliani i Barçës mund të jetë ylli tjetër në “Goodison Park”.
28-vjeçari është shumë larg shkëlqimit që kishte kur luante në “Anfield”. Barcelona pagoi për të 135 milionë euro te Liverpool-i, ndërsa tani është e gatshme të lejojë largimin e tij, për një shifër rreth 40 milionë euro.
Në sezonin aktual, Coutinho u paraqit në 14 ndeshje me Barcelona-n, përpara se të pësonte dëmtimin që e mban jashtë fushave edhe aktualisht. Në 14 paraqitjet e këtij sezoni, ai arriti të shënonte tre gola dhe të dhuronte dy asiste.
/Albanianpost.com