Kryetari i LDK-së në Prizren, Anton Quni së bashku me bashkëpunëtorët ka vizituar familjen e Heroit të Kosovës, Besim Paqarizi dhe atdhetarit, Haxhi Hazirit.
“Me bashkëpunëtorët e mi, dr.Hatim Baxhakun dhe Hanefi Muharremin, kam vizituar familjen e Heroit të Kosovës, Besim Paqarizi dhe atdhetarit Haxhi Hazirit”, shkruan Quni, i cili është edhe kandidat për deputet.
“Gjatë bisedës, vëllai i Besimit, Ismeti na e tregoi që kishte ruajtur si relikt, kutinë e votimit dhe fletëvotimet e zgjedhjeve të vitit 1992”, tregon ai.
“Atëbotë, LDK kishte fituar zgjedhjet me rezultat mbi 90%.
Në pritjen e ngrohtë që na u bë biseduam rreth zhvillimeve të përgjithshme në Kosovë”.
“Ju faleminderit përzemërsisht për pritjen”.
“Zoti i bekoftë familjet e heronjëve e të dëshmorëve”.
“Gjaku i të dashurve të tyre u bë gurthemel i shtetit të Kosovës dhe udhërrëfyes për ne e për brezat e ardhshëm”./PrizrenPress.com/