Dy persona janë arrestuar në rrugën “Zahir Pajaziti” në Prizren, pasi dyshohen se kanë thyer një ëmbëltore dhe nga brenda kanë përvetësuar rreth 400 euro dhe disa dokumente personale. Të arrestuarit kanë kryer edhe 19 raste të vjedhjeve të tjera.
“Lidhur me rastin pas një pune hetimore sot me datën 10.11.2014 janë identifikuar dhe arrestuar dy të dyshuar meshkuj K/Shqiptarë, pasi që për të njëjtit ekziston dyshimi i bazuar se në kohën e dhe lokacionin e lartcekur kanë thyer një ëmbëltore dhe nga brenda kanë përvetësuar rreth 400 euro dhe disa dokumente personale”, thuhet në raportin e Policisë.
“Të dyshuarit gjatë intervistimit kanë pranuar se kanë kryer edhe 19 raste të vjedhjeve të tjera duke përfshirë vjedhje të automjeteve, lokaleve afariste etj. Me urdhër të prokurorit të dyshuari dërgohen në mbajtje”. /PrizrenPress.com/