34.3 C
Prizren
E shtunë, 5 Korrik, 2025

Arrestohet Mytaher Haskuka, nuk e respektoi orën policore

Kryetari i Prizrenit, Mytaher Haskuka, është arrestuar nga policia, për mosrespektim të orës policore.

Arrestimi i tij, është bërë rreth orës 23:00, gjatë kohës sa ishte duke udhëtuar për në Prishtinë.

“Policia ka arrestuar një person me iniciale M.H. për shkak se nuk e ka respektuar orën policore”, tregon një burim i “PrizrenPress”-it, brenda Policisë së Kosovës.

Qeveria e Kosovës, me datë 23 mars 2020, kishte vendosur që të kufizojë lirinë e lëvizjes së qytetarëve, pas shfaqjes së pandemisë COVID 19.

Presidenti i Kosovës, Hashim Thaçi, e dërgoi në Gjykatën Kushtetuese

Ndërkaq, Gjykata Kushtetuese, ka vendosur se vendimi i Qeverisë i marrë me 23 mars 2020, nuk është në përputhje me Kushtetutën e Kosovës.

Vendimi i Qeverisë, sipas këtij aktgjykimi, mbetet në fuqi deri me 13 prill.

Kryeministri në detyrë, Albin Kurti, ka reaguar pas arrestimit të kryetarit Haskuka.

Kurti është i revoltuar me Haskukën që nuk ka respektuar vendimin e Qeverisë.

“Unë kam menduar që vetëm Hashim Thaçi dhe Kushtetuesja kanë qenë kundër vendimit të Qeverisë. As mendja nuk më kishte shkuar që Haskuka ka qenë në linjë me Thaçin e Kushtetuesen”, tha Kurti.

Lëvizja Vetëvendosje në Prizren, e ka mirëpritur arrestimin e Haskukës.

Sipas burimeve të “PrizrenPress”-it, anëtarët e këtij subjekti politik, kanë kërkuar nga policia që të mos e lirojnë Haskukën, derisa t’i përfundon mandati i kryetarit të Komunës.

Por, në mbrojtje i ka dalë opozita.

Krerët e partive opozitare në Prizren, pasi kanë marrë informacionin për arrestimin e Haskukës, së bashku kanë shkuar në polici.

Ata kanë kërkuar lirimin e menjëhershëm të Haskukës.

“Ne me zor po e mbajmë në pushtet, e ju e keni arrestuar”, janë ankuar në polici, krerët e partive opozitare në Prizren.

Urime 1 Prilli !

/Aprilliiiiii/

Më Shumë

Hajnat plaçkitin një shtëpi në Prizren, vidhen para dhe stoli ari në vlerë mbi 30 mijë euro

Një rast i rëndë vjedhjeje është shënuar në orët e vona të së martës në lagjen “Dardania” të Prizrenit, ku persona ende të paidentifikuar...

Dardanet mposhtin Estoninë në miqësore

Kombëtarja e Kosovës në konkurrencën e vajzave ka shënuar fitore në miqësoren e parë ndaj Estonisë, duke triumfuar me rezultat minimal 1:0, në përballjen...

Lajmet e Fundit