Policia e Kosovës (PK) njofton se është arrestuar A.K (23-vjeçar), pasi i njëjti po kërkohej me urdhërarrest të lëshuar nga Gjykata Themelore në Prizren.
“Me datën 15.09.2023 njësite policore nga Stacioni Policor Prizren gjatë patrullimit në rrugën “Skender Latifi” në Prizren kanë ndalur për kontrolle personin A.K. (viti i lindjes 2000, mashkull kosovar shqiptar)”, thuhet në njoftim.
Asociation “Loyola-Gymnasium” shpall një vend të lirë për mësimdhënës/e të gjuhës angleze
Sipas Policisë, i dyshuari ishte i dënuar me 16 muaj e 25 ditë burgim.
“Gjatë verifikimit të tij ka rezultuar se i njëjti ishte i kërkuar me urdhër arrest të lëshuar nga Gjykata Themelore në Prizren për vuajtje të dënimit me burg në kohëzgjatje prej gjashtëmbëdhjetë (16) muaj e njëzet e pesë (25) ditë”, njofton policia.
Bëhet e ditur se i njëjti pas përfundimit të procedurave është dërguar në vuajtje të dënimit.
Reklamë
