Një zyrtare e Qendrës Klinike Universitare të Kosovës është arrestuar mëngjesin e sotëm, nën dyshimin për keqpërdorim të detyrës zyrtare. Jozyrtarisht merret vesh se e arrestuara është Enkelejda Gjonbalaj, shefe e barnatores qendrore të QKUKsë. Zyrtarë të Policisë së Kosovës e kanë konfirmuar arrestimin por nuk e kanë bërë publik emrin.
Ndërsa lidhur me këtë rast, zyrtarë të QKUK-së nuk kanë dhënë detaje të tjera me arsyetimin se nuk kanë informata zyrtare. Mirëpo, drejtori i kësaj qendre, Nijazi Gashi, përmes telefonit i ka thënë RTK-së se në mëngjes Enkelejda Gjonbalaj ishte në orarin e punës dhe se më vonë e ka lajmëruar atë se po e kërkojnë hetues të krimeve të rënda ekonomike.
Gashi bën të ditur se pas kësaj informate nuk ka kontaktuar më me Gjonbalajn.
Sipas zyrtarëve të Policisë, e arrestuara do të mbahet në arrest për 48 orë.