Kinemaja ABC, fton të gjithë të interesuarit në shfaqjen e premierës së filmit dokumentar “Fati nuk më la të shkoj” (“Fate Did Not Let Me Go”) të regjisorit dhe producentit të njohur Kroat, Jakov Sedlar.
Ky film dokumentar ilustron historinë e një letre të një nëne hebreje, Valli Ollendorff, shkruar djalit të saj, Ulrich, vetëm pak ditë para se ajo të dërgohej në një kamp përqendrimi në vitin 1942.
Rrëfyer nga fituesi i “Emmy Award” Martin Sheen dhe i nominuari për çmimin Oskar Liv Ullmann, ky film dokumentar është fitues i një numër çmimesh, është shfaqur në disa festivale ndërkombëtare të filmit, si dhe është dhënë premierë në New York, Los Angeles, Dubrovnik, Tokio, Melbourne, Paris dhe tani në Prishtinë.
Regjisori Kroat do të jetë prezent në Prishtinë dhe do të shoqërohet nga nipi i Valli Ollendorff, Stephen Ollendorff, i cili është edhe themelues dhe drejtor i Qendrës Ollendorff për Mirëkuptim Fetar dhe Njerëzor (Ollendorff Center for Religious and Human Understanding) në Shtetet e Bashkuara.
Ky film dokumentar shfaqet në kuadër të iniciativës “Interfaith Kosovo” të Ministrisë së Punëve të Jashtme të Republikës së Kosovës në bashkëpunim me Këshillin Britanik në Kosovë.