Shefja për politikë të jashtme e BE-së, Catherine Ashton në Beograd dhe Prishtinë dot ë sjellë me vete edhe planin e zgjidhjes për çështjet e energjetikës dhe telekomunikacionit. Kështu theksoi ish-ambasadori i Serbisë në Berlin Ognjen Pribiqeviq.
Analisti i çështjeve politik, ish ambasadori serb në Gjermani Ognjen Pribiqeviq, ka deklaruar se Bashkimi Evropian dhe Washingtoni zyrtar janë të përkushtuar për procesin e dialogut që po zhvillohet midis Kosovës dhe Serbisë. “Kjo dëshmohet edhe me vizitën e Baroneshës Ashton sot në Beograd dhe nesër në Prishtinë”, ka deklaruar Pribiqeviq për televizioni publik të Serbisë RTS.
Ai ka theksuar se shefja për politikë të jashtme e BE-së, Ashton në Beograd dhe Prishtinë do të sjellë me vete edhe planin e zgjidhjes për çështjet e energjetikës dhe telekomunikacionit, citon RTK. Është me shumë rëndësi ka thënë Pribiqeviq, të mbahet dinamika e aktiviteteve diplomatike gjatë muajve të verës, në mënyrë që në fund të procesit të arrihen rezultate te dëshiruara.
Pribiqeviq i cili ka qenë ambasador i Serbisë në Berlin ka vlerësuar se pjesa më e madhe e planit për implementimin e marrëveshjes duhet të zbatohet deri në fund të dhjetorit. Ai ka deklaruar se i gjithë procesi i zbatimit të marrëveshjes është duke u vëzhguar dhe mbikëqyrur nga BE-ja dhe Shtete e Bashkuara.
Pribiqeviq ka shprehur bindjen e tij se edhe gjatë këtyre dy muajve të verës, do të sundojë një disponim pozitiv në drejtim të implementimit të marrëveshjes së arritur me 19 prill.