25.8 C
Prizren
E martë, 23 Korrik, 2024

“Shota” zuri vendin e dytë në Festivalin e Stambollit

Shota-ansambliAnsambli Kombëtar i Këngëve dhe Valleve “Shota” nga Prishtina është nderuar edhe me një mirënjohje të rëndësishme ndërkombëtare. Në Festivalin e 14-të Ndërkombëtar të Kulturës dhe Artit në Bujukçemece, në periferi të Stambollit, trupa e këtij ansambli ka zënë vendin e dytë.

Ismet Bogujevci, ushtrues i detyrës së drejtorit të ansamblit, bëri të ditur se juria profesionale e festivalit, në përbërje të së cilës kanë qenë përfaqësuesit e Holandës, Koresë Jugore, Gjermanisë, Brazilit dhe Filipineve, e ka vlerësuar prezantimin e ansamblit “Shota” si njërin ndër prezantimet më të bukura dhe më të kompletuara.

Bogujevci tha se juria i ka vlerësuar të gjitha elementet e paraqitjes së ansamblit, sidomos korografinë, lojën e trupës së valltarëve dhe kostumet e larmishme, transmeton Koha. Ai tha gjithashtu se juria i ka përmendur si argument edhe impresionet e shikuesve të festivalit, shumë prej të cilëve kanë qenë turistë të huaj.

Në Festivalin e Bujukçemexhes kanë marrë pjesë ansamblet apo grupet folklorike të 22 shteteve nga Evropa, Azia, Afrika dhe Amerika e Jugut. Ansambli “Shota” është prezantuar me një kollazh vallesh karakteristike të krahinave të ndryshme shqiptare, të përgatitura nga koreografë të ndryshëm shqiptarë.

Pas përfundimit të festivalit ne Bujukçekexhe, trupa e Ansamblit “Shota” ka udhëtuar për në Bursa, ku do të marrë pjesë në Festivalin Ndërkombëtar të Valleve Popullore. Edhe në këtë festival, i cili ka një traditë mbi 50 vjeçare, “Shota” do të prezantohet me valle popullore të krahinave shqiptare.

Më Shumë

Radhë të gjata të kamionëve në hyrje të Kosovës në Vërmicë

Vendimi i qeverisë së Kosovës për të ndaluar qarkullimin e automjeteve të rënda në orët e pikut të temperaturave të larta, për të ruajtur...

Koulibaly: Anguissa më ka treguar për presioni-n e Conte-s. Kvara? Ai duhet të jetë përsëri magjik

Mbrojtësi që luan për Al-Hilal në Arabinë Saudite, Kalidou Koulibaly ka dhënë një intervistë të gjatë për mediet italiane, ku ka folur ndër të...

Lajmet e Fundit