Prof.dr. Sabahajdin Cena
(Pjesë nga ditari “Kronikë nëpër stuhi” )
5 qershori
Në ditën e sotme të vitit 1952, në Kabash u lind Murat Esat Kabashi, i përjetësuar më 17 mars të vitit 1999 në luftimet e Kabashit, ndërsa më 1957 në Ticë të Skënderajt, Muharrem Rexhë Zeneli, i përjetësuar më 16 maj të vitit 1999. Në Xërxë të Rahovecit, më 1963 u lind luftëtari Hamëz Ali Thaçi, i përjetësuar në Frontin e Koshares më 20 prill të vitit 1999.
Në Rogovë të Hasit, në këtë ditë të vitit 1971 u lind dëshmori Shaban Smajl Morina, rënë më 11 maj të vitit 1999 në Rogovë e në fshatin Mollapolc, më 1972 u lind Skënder Zeqir Morina, i përjetësuar më 13 shtator të vitit 1998 gjatë luftimeve të Njësitit “Rrufeja”. Në Reçak, më 1975 u lind dëshmori Afrim Xhemajl Syla, i përjetësuar më 10 maj të vitit 1999 gjatë luftimeve në vijën Gërkovë-Reçak, e në Prekaz, po në këtë ditë të vitit 1976 u lind dëshmori Murtez Zymer Jashari, i përjetësuar më 6 mars të vitit 1998 në Prekaz.
Në Gërdofc të Besianës, më 1976 u lind dëshmori Faton Vesel Shabani, i përjetësuar më 2 qershor të vitit 1999 gjatë luftimeve te “Bungu i Dyzit”, Në këtë ditë, pra më 5 qershor të vitit 1980, në Skyfteraj u lind dëshmori Mehmet R. Ismaili, i përjetësuar më 15 prill të vitit 1999. Më 1983, në Prekaz u lind edhe dëshmori Avdullah Zenë Jashari, rënë më 5 mars të vitit 1998.
fragment në “Kronika…”
5 qershori
“Krisi pushka te mejtepi,
zjarr te Strellci e te Prejlepi.
Kësaj flake, kush i prini?!
– Krejt Drenica e Dukagjini.
Të gjithë shokët e Luanit,
Prej Prejlepi afër Deçanit!”
Në ditën e sotme të vitit 1998, serboçetnikët ndërmarrin Ofensivën III mbi Strellcin e Epërm. Në këto luftime përjetësohet Brahim Demalijaj, i lindur më 25 maj të vitit 1949 në Strellc të Epërm. Po në këtë ditë, edhe Prejlepi sulmohet nga toka e nga ajri. Gjatë këtyre luftimeve përjetësohen: Beqir Qufaj, i lindur më 14 qershor të vitit 1977, Gazmend Lokaj, i lindur më 17 shtator të vitit 1974, Jeton Dabiçaj i lindur më 29 janar të vitit 1968 të gjithë të Prejlepot dhe Gazmend Zenel Berisha i lindur më 1 tetor të vitit 1968 në Pejë. Edhe në vijën e fronit Dashinoc-Lumbardh, jo larg “Urës së Pazharit” ka luftime të përgjakshme. Në këtë betejë përjetësohet luftëtari Jeton Idriz Dedushaj i lindur në Vuthaj të Gucisë më 5 janar të vitit 1975.
Në këtë ditë, por të vitit 1999, përjatësohen: Nijazi Zenuni, i lindur më 29 korrik të vitit 1975 në Mikushë, Kemajl Idrizi, i lindur më 25 prill të vitit 1970 në Lubishtë të Vitisë, e në Pashtrik edhe Lulzim Llugiqi i lindur më 5 janar të vitit 1973 në Miradi të Lypjanit. Por, në Pejë gjatë ndërtimit të kazermës së TMK-së, në ditën e sotme të vitit 2001, humbi jetën luftëtari ilirisë Astrit Istref Berisha, i lindur më 14 janar të vitit 1981 në Ruhot të Pejës.
MBETSHIN EMRAT E TYRE NË FAQET MË
NDRITSHME TË LAVDISË DHE TË HISTORISË!