Aubameyang premton më shumë për “Topçinjtë”, pas golit në ndeshjen debutuese me Arsenalin.
I transferuari nga Borussia Dortmundit, Pierre-Emerick Aubameyang, debutoi me gol në fitoren e thellë të Arsenalit prej 5-1 kundër Evertonit, raporton Gazeta Express.
Ishi i Dortmundit e Milanit u shpreh i lumtur për golin, teksa premtoi se do vijë më shumë nga ai.
“Natyrisht, jam shumë i lumtur”, u shpreh Aubameyang pas golit dhe debutimit.
“Fituam ndeshjen në pjesën e parë ndërsa e dyta ishte më ndryshe. Të gjithë jemi të lumtur. A pritet më shumë nga unë? Mendoj që po”.