Drejtor i Spitalit Regjional në Prizren, Afrim Avdaj, ka uruar rektorin e ri të Universitetit “Ukshin Hoti” në Prizren,Ramë Vatajn.
“UPZ ka fituar një rektor që ka përgatitjen dhe vlerat adekuate për të zhvilluar këtë universitet”, tha Avdaj.
Avdaj siguroi Vatajn se do të ketë mbështetjen e menaxhmentit të Spitalit Regjional dhe të gjitha kapacitetet e këtij spitali do të jenë në funksion të realizimet kësaj nisme dhe çfarëdo nisme ku ata do të mund të japin kontribut.
Ndërkaq, rektori Vataj e falënderoi drejtorin Avdaj për vizitën dhe urimet. Ai premtoi se do të kenë bashkëpunim të ngushtë për të realizuar pjesë të vizionit të tij për këtë Universitet.
Ai tregoi se do të bënë analizën paraprake për mundësitë e hapjes së një drejtimi në Logopedi dhe Infermieri dhe në këtë kuadër roli i tyre do të jetë shumë i nevojshëm.
“Nëse vlerësohet se do të kemi kapacitete dhe kuadro atëherë ne do të hapim një drejtim në këto lëmi që mendojmë se do të kontribuojnë në ofrimin e shërbimeve shëndetësore më kualitative në Spitalin Regjional dhe në institucionet tjera shëndetësore”/PrizrenPress.com/