Kryetari i LDK-së në Prizren, Haxhi Avdyli, me VV-në kanë mbetur të diskutohen edhe disa detaje për qeverinë e ardhshme të Prizrenit.
“Jemi për një qeverisje konstruktive”, ka thënë Avdyli për RTK-në.
Ndonëse në parim është biseduar më krerët e Vetëvendosjes, sipas tij, ende nuk kanë detaje se si do të duket qeverisja e ardhshme .
Kryetari i Vetëvendosjes në Prizren, Artan Abrashi, ka thënë për RTK-në se marrëveshjet me partnerët e koalicionit janë drejt përfundimit.
Sipas tij, LDK-ja do të ketë tri drejtori dhe nënkryetarin, Nisma do t`i ketë tri drejtori dhe partitë minoritare mund të kenë nga një drejtori,”.
Ndërkaq, burimet e “PrizrenPress”-it bëjnë të ditur se VV dhe LDK, pritet që marrëveshjen e bashkëqeverisjes ta nënshkruajnë javën e ardhshme.
“Ka mbetur të diskutohen vetëm edhe emrat e drejtorëve” tregojnë burimet brenda VV-së dhe LDK-së në Prizren./PrizrenPress.com/