Kryesuesi i Kuvendit të Prizrenit, Sulltan Badallaj, ka thirrur seancë të jashtëzakonshme të Kuvendit.
Seanca do të mbahet të premtën e kësaj jave.
Për shkak të kushteve pandemike, kjo mbledhje do të mbahet tek shtëpia e kulturës “Xhemajli Berisha”, duke filluar në orën 10:00.
Për punën e kësaj mbledhjeje do të jetë ky rend dite:
1. Shqyrtimi dhe miratimi i propozim-vendimit për lirimin nga pagesa e qirasë dhe taksave për bizneset në Komunën e Prizrenit për periudhën gjashtë (6) mujore (mars-gusht 2020) për shkak të situatës së krijuar nga pandemia COVID-19;
2. Shqyrtimi dhe miratimi i memorandumit për mbështetje financiare për Strehimoren e grave dhe fëmijëve;
3. Shqyrtimi dhe miratimi i Planit komunal të veprimit për efiçiencë të energjisë (PKVEE) 2019-2021