23.4 C
Prizren
E enjte, 18 Shtator, 2025

Ban Ki Moon shpreh shqetësimin për të pagjeturit

ban kimunDerisa anëtarët e familjeve të personave të pagjetur tash katërmbëdhjetë vjet pas luftës vazhdojnë të shfaqin shqetësimet e tyre, UNMIK-u, thotë Sekretari i Përgjithshëm i Kombeve të Bashkuara, Ban ki Moon, ka vazhduar përpjekjet për të mbështetur dhe inkurajuar progresin për gjetjen dhe zbardhjen e fatit të tyre.

Në raportin e tij të fundit për zhvillimet në Kosovë ai thotë se lidhur me këtë çështje si një plagë e rëndë e trashëgimisë së luftës, EULEX-i ka kryer këtë vit 30 operacione në terren në Pejë, Mitrovicë, Suharekë, Prizren, Gjakovë, Klinë dhe Skenderaj.

“Janë gjetur eshtrat e 18 personave. Ka ende edhe 1,726 persona që evidencohen si të zhdukur nga konflikti i Kosovës”, thuhet në raportin e Sekretarit të Përgjithshëm. Më tej ai nënvizon se ‘mbështetja e bashkësisë ndërkombëtare dhe angazhimi i saj në Kosovë mbetet thelbësor, shkruan RTK

Raporti i Sekretarit Ban përmend edhe takimin e Grupit punues për personat e pagjetur ku Komiteti Ndërkombëtar i Kryqit të Kuq u kishte bërë thirrje të gjitha autoriteteve për të dhënë informacionet më të reja.

“Në trashëgimitë e pazgjidhura të konfliktit duhet të mbeten prioritete kyçe edhe rastet e pazgjidhura të personave të zhdukur si dhe sjellja para drejtësisë e të gjithë atyre që janë përgjegjës për krime të luftës,” thekson Ban në raport. Shefi i Kombeve të Bashkuara u bënë thirrje të gjitha palëve që ‘të dyfishojnë përpjekjet e tyre për të përshpejtuar përparimin në këto fusha.

Më Shumë

Nisma Socialdemokrate hap sot fushatën zgjedhore në Prizren

Nisma Socialdemokrate në Prizren ka njoftuar se sot do të mbajë hapjen zyrtare të fushatës zgjedhore në këtë qytet, me një ngjarje publike që...

Xheladini premton 500 euro subvencione për gratë me kancer të gjirit, shërbimet gjinekologjike falas

Kryetari i Komunës së Dragashit, Behxhet Xheladini ka prezantuar programin e tij për mandatin e ri për zgjedhjet lokale 2025. Xheladini ka thënë se për...

Lajmet e Fundit