Ever Banega mendon se tifozët e shumtë në ‘Giuseppe Meazza’ luajtën një rol të rëndësishme në fitoren e Interit ndaj Juventusit
Zikaltrit fituan 2:1 derbin italian ndaj ‘Zonjës së Vjetër’, të cilët fillimisht panë vetën në disavantazh – por më pas përmbysën gjithçka.
Mesfushori Ever Banega, i cili i ka dhënë qetësi skuadrës së Interit me klasin e tij, lavdëroi bashkëlojtarët për paraqitjen ndaj kampionëve të Serie A, teksa falënderoi tifozët për mbështetjen në ‘Giuseppe Meazza’.
“Ekipi ishte fantastik në këtë ndeshje. Bëmë një paraqitje të shkëlqyer’, tha Banega për faqen zyrtare të klubit.
“Mendoj se diferenca ishte mentaliteti. Pranuam gol, por u kundërpërgjigjëm menjëherë. Atmosfera ishte fantastike dhe tifozët na ndihmuan shumë në këtë ndeshje’, shtoi argjentinasi.
“Është kënaqësi të luash me Icardin. Tani duhet të shohim para dhe të vazhdojmë drejt synimeve tona”, përfundoi Banega.