19.8 C
Prizren
E martë, 18 Qershor, 2024

Basha: Nga viti tjetër, bashkia bashkëfinancuese e Panairit të Librit

LulzimBasha6-11Kryebashkiaku i Tiranës, Lulzim Basha, vizitoi sot stendat e dhjetëra shtëpive botuese nga mbarë hapësira shqipfolëse që morën pjesë në edicionin e 16-të të Panairit të Librit në Tiranë. Në një prononcim për mediat, kreu i bashkisë premtoi një tjetër nivel angazhimi dhe mbështetjeje të institucionit që drejton, në raport me librin. Konkretisht Basha u dha fjalën botuesve, autorëve dhe organizatorëve të panairit, aktiviteti më i rëndësishëm vjetor i librit, se, “duke filluar nga viti që vjen dhe dekadat në vazhdim, bashkia e kryeqytetit do të jetë bashkëfinancuese e panairit të librit”.

Basha foli edhe për një projekt të bashkisë që “synon përcaktimin e hapësirave të posaçme për hapjen e më shumë librarive në Tiranë, në mënyrë që të nxisë qytetarët të kthejnë sytë nga libri, si forca që çon përpara shoqërinë”, gjë për të cilën tha se, do të kërkonte edhe mbështetjen e Ministrisë së Kulturës.

Një tjetër angazhim i bashkisë, sipas kreut të saj, do të jetë edhe ai “për akordimin nga bashkia të çmimit të madh të letërsisë, pas përzgjedhjes nga një juri me anëtarë nga Shqipëria dhe jashtë saj”.

Më Shumë

Ushtari i KFOR-it kujton ndërhyrjen e NATO-s në Kosovë: “Kjo ma ndryshoi jetën”

Më 12 qershor 1999-të, forcat e NATO-s hyjnë në Kosovë pas 78 ditësh të bombardimeve, duke çliruar përfundimisht Kosovën nga regjimi i Sllobodan Millosheviqit. Kjo...

146-vjetori i Lidhjes së Prizrenit, pianistja Lule Elezi dhe Orkestra e Harqeve të Tiranës shkëlqejnë me performancën para prizrenasve

Pianistja Lule Elezi në shoqëri të Orkestrës së Harqeve të Tiranës të udhëhequr nga dirigjenti Oleg Arapi është kthyer në Prizren me një koncert...

Lajmet e Fundit