Kryetari i Partisë Demokratike të Shqipërisë, Lulzim Basha ka thënë në emisionin Top Story në Top Channel se vizita e Sekretarit Amerikan të Shtetit, John Kerry, ishte një vizitë historike dhe shumë e rëndësishme.
“Ishte një vizitë e rëndësishme për PD dhe për opozitën. Së pari ishte numri dy i Shteteve të Bashkuara dhe së dyti për momentin kyç për demokracinë”, ka thënë Basha raporton Klan Kosova.
Një moment që e gjen Shqipërinë me 200 mijë persona që kanë bërë letrat për të ikur në Amerikë dhe 100 mijë të tjerë që kanë ikur drejt Europës, një ekonomi që po vuan pasojat e korrupsionit, oligarkisë, një demokraci të rrethuar nga interesat e oligarkëve”,
“Një Parlament që pret dekriminalizimin, një Shqipëri me sfida shumë të mëdha, ndërkohë që SHBA përballen me sfida të mëdha në Europë për demokracitë e pakonsoliduar dhe përballen me ekstremizmin, avancimin e interesave oligarkike të modelit Putin, që fryn nga lindja dhe në këtë kuadër, vizita është historike”, ka thënë Basha.