Një ditë pasi në Prishtinë u mbjat ‘Marshi për drejtësi’ në mbështetje të ish krerëve të UÇK-së, të akuzuar nga Zyra e Prokurorit të Specializuar në Hagë, në këtë qytet të Holandës, po mbahet edhe një protestë nga bashkatdhetarët.
Në orën 10:00, atje ku janë të vendosura edhe Dhomat e Specializuara të Kosovës, filloi protesta kundër këtij procesi.
Pritet që shumë bashkatdhetarë nga vende të ndryshme të Evropës të marrin pjesë në këtë protestë.
Hashim Thaçi, Kadri Veseli, Jakup Krasniqi dhe Rexhep Selimi, nga sot më (3 prill), do t’i dëgjojnë akuzat për krime lufte që rëndojnë mbi ta, nga Zyra e Prokurorit të Specializuar.
Trupi Gjykues ka bërë të ditur se paraqitja e provave në gjykim, duke përfshirë edhe thirrjen e dëshmitarëve nga ZPS-ja, do të fillojë më 11 prill 2023./rtklive
