Skuadra e Bashkimit ka arritur Kupën e Kosovës për femra, duke mposhtur vashat e Prishtinës në finalen e madhe.
Prizrenaset ishin më kualitative në finalen e madhe, duke arritur që në pjesën e dytë të kthejnë në favorin e tyre një ndeshje që pas 20 minutave të pare dukej se po shkonte në favorin e Prishtinës.
Çereku i parë ishte shumë i baraspeshuar, me të dy skuadrat që shënuan nga 16 pikë në çerekun hapës.
Në dhjetë minutat e dyta të takimit, Prishtina u tregua më kualitative në sulm duke u treguar më e mirë në mbrojtje.
15-8 u mbyll çereku i dytë, me Prishtinën që e fitoi çerekun e parë me rezultat 31 – 24.
Mirëpo, me rikthimin në parket në pjesën e dytë, Bashkimi u duk si një skuadër krejtësisht tjetër.
Prizrenaset, periudhën e tretë të takimit e fituan me rezultat 13-24, duke qenë më të mirë se kryeqytetaset, dhe kështu duke marrë epërsinë e takimit.
Pas çerekut të tretë, në semafor rezultati shënonte Prishtina 44 – 48 Bashkimi.
Më pas, në periudhën mbyllëse të ndeshjes, Bashkimi kontrolloi lojën duke arritur një fitore të madhe në finale.
Rezultati përfundimtar i takimit ishte Prishtina 54 – 69 Bashkimi.
Në radhët e prizrenasve, më e mira ishte Sara Vraniqi, me 18 pikë dhe tetë kërcime. Edhe Sara Martinaj shtoi 18 pikë duke qenë një ndër basketbollistet më të spikatura në parket.
/Albanianpost.com