0.8 C
Prizren
E shtunë, 4 Shkurt, 2023

Bashkimi mposhtet përsëri, Prakuraitis ende pa fitore

Tashmë janë bërë katër ndeshje (2 në BIBL, 2 në Superligë), ndërsa trajneri i ri i Bashkimit Audrius Prakuraitis nuk ka shijuar fitoren me portokallezinjtë! Lituanezi që erdhi si trajner më i mirë sesa ai i kaluari, nuk ka arritur assesi të këndellë ekipin, ndërsa Bashkimi është mposhtur sonte nga Prishtina në Sezai Surroi me rezultat 66-73 [17-10, 17-19, 18-17, 14-27].

Thuajse e tërë ndeshja shkoi barabartë, derisa në çerekun e fundit Prishtina shfaqi mbrojtje të fortë, duke mos lënë Bashkimin të shënojë shumë, kurse ata dhanë 27 pikë karshi 14 të pranuara.

Ekipi i Murat Bilges dominoi periudhën e fundit të lojës, ndërsa në përgjithësi më i dalluari ka qenë Dustin Thomas që luajti me double-double prej 16 pikësh e 11 kërcimeve. Dardan Berisha shënoi 8 pikë, ndërsa bëri 9 asistime dhe shutoi 1/9 për tri pikë!!

Lejson Zeqiri dha 10 pikë, njëjtë sikurse edhe Rezart Memedi, ndërsa Brooks Debisschop luajti me 6 pikë e 10 kërcime në ndeshje.

Te Bashkimi, që përjetoi humbjen e tetë të stinorit dhe është i parafundit në renditje, më së shumti pikë ka shënuar Curtis Jones, 22. Ndërsa mundi i Daniel Lekndreajt me double-double prej 13 pikëve e 11 kërcimeve, nuk mjaftoi për të shmangur humbjen e radhës!

Me këtë fitore Prishtina bën bilancin 8-4 në vend të dytë të tabelës, ndërsa Bashkimi ka bilanc të kundërt dhe është i parafundit në renditje./topsporti

Më Shumë

Gjykata e Prizrenit ia vazhdon paraburgimin Dibran Hoxhës dhe pesë të dyshuarve të tjerë

Gjykata e Prizrenit ia ka vazhduar paraburgimin Dibran Hoxhës dhe pesë të dyshuarve të tjerë për rastin e vrasjes së 31-vjeçarit nga Kukësi. Në orët...

Ka mungesë parkingjesh dhe infrastrukturë në Prevallë

Me mungesë të investimeve dhe një infrastrukturë jo të mirë përballet edhe Prevalla, fshat ky turistik në zonën e Prizrenit. Turistët vendorë dhe të...

Lajmet e Fundit