Është hapur zyra e Sekretariatit të Zonës Ndërkufitare në Prizren. Kjo zyre përfshinë Kosovën,Shqipërinë dhe Maqedoninë.
Koordinatori Zvonko Naumovski, tha se pas angazhimeve disavjeçare është arritur marrëveshje me Bashkimin Evropian për hapjen e kësaj zyre edhe në Prizren.
“Kjo zyre do të jetë në funksion të mbështetjes së projekteve për zhvillimin ekonomik rajonal”.
“Pas shumë angazhimeve ia kemi dal ta funksionalizojmë këtë organizëm të rëndësishëm, që është i përhapur në të gjitha shtetet e Ballkanit Perëndimor”.
“Pas kësaj ne jemi duke hulumtuar veprimet strategjike për selektimin e regjioneve për implementimin e projekteve të ofruara nga vendet ku veprojmë”.
“Pas shumë punëve të përbashkëta të procesit të planifikimit në kooperim të ngushtë me ekspertë lokal, rajonal si dhe ata nga BE-ja, project-programi për zhvillim ekonomik ndërkufitar për regjionin “Sharr” tashmë është draftuar për mbështetje substanciale të zhvillimit ekonomik rural,të menaxhimit të zbulimit të resurseve natyrale dhe mbështetjes së krijimit të infrastrukturës për eksplorimin e resurseve energjetike në rajon”,transmeton TV Prizreni.
Ndërkaq,përgjegjësi i zyres në Prizren,Emrulla Spahiu,tha se kjo zyre është e hapur për të gjithë ata që kanë plane konkrete të cilat mund të realizohen pas studimeve të hollësishme
I gjithë procesi i funksionimit të zyres është mbështetur politikisht nga ministritë e bujqësisë së shteteve të përfshira në këtë program. /PrizrenPress.com/